Kíkti inn á einkabankann minn í gær og mér til mikillar gleði hafði ég fengið greitt út orlof í vikunni. Kíki ekki of oft inn á einkabankann, veit alveg nokkurn veginn hvað ég á lítinn pening og vil ekkert vera minnt á það of oft. Var hreinlega búin að gleyma því að ég fengi orlof, finnst vera ár og öld síðan ég var eitthvað að vinna. Dugar fyrir farinu heim í júní.

Svo er það bara júróvisjón í kvöld. Ætla að grilla með Þórunni og Helga og glápa svo. Fjarfesti meira að segja í kippu af Carlsberg. Ætla svo að hittast Greggarann á morgun og verkefnast. Mikið svakalega er ég að verða leið á þessu bévítans verkefni. En það hefur nú víst komið hér fram áður.

Talaði við mömmu áðan á msn. Hún og pabbi eru á leið til Akureyrensis að heimsækja systur mína og co. Þau eru búin að kaupa sér íbúð og eru óðum að flytja í hana. Keyptu sér helling af húsgögnum og svona þannig að þetta er væntanlega orðið mjög fínt hjá þeim. Ég væri nú alveg til í að vera núna á leiðinni norður að kíkja á þau. Fyndið samt hvað maður fer að sakna í útlandinu. Er farin að sakna þess svoldið mikið núna að vera ekki á bíl. Gerði það ekkert fyrst. Finnst reyndar ekkert skemmtilegt að keyra, sérstaklega ekki í Reykjavíkinni. En sakna þess að eiga þess ekki kost að skreppa eitthvert þegar mig dettur í hug. Er orðin þreytt á að notast alltaf við þetta blessaða almenningssamgöngukerfi. Mikið á ég nú eftir að sakna þess að eiga bílinn mínn þegar ég fer heim í sumar. Er vön að vera á bíl þar. Skrítið að þurfa aftur að fá alltaf bílinn lánaðan hjá pabba og mömmu.