Jæja þetta er búið. Gekk svona sæmilega án þess ég viti neitt svosem. Ég svaraði allavega öllu. Ég, Greg og Andreas sátum saman heima hjá Andreas og gerðum prófið. Það gekk bara vel, fínt að vera ekki alveg einn í þessu. Verst var að eitthvað gerðist þegar Andreas var að sava prófið þannig að það eyddist eða eitthvað. Allavega gátum við ómögulega kallað það fram og hann gat ekki skilað. Átta tíma vinna farin í vaskinn og hann verður að taka prófið aftur væntanlega einhvern tímann seinna. Hann tók þessu samt ótrúlega rólega, fékk sér pizzu með okkur á eftir og allt. Ég hefði gjörsamlega trompast og ekki verið viðræðuhæf næstu vikuna allavegana.

Nú ligg ég bara og horfi á sjónvarpið og nýt þess að gera ekki neitt. Er ógeðslega þreytt enda svaf ég ekki mikið í nótt eða síðustu nætur yfirleitt. Við ætlum kannski að fá okkur bjór í kvöld ef við nennum. Hum, ég á nú nokkra í ísskápnum. Ætli ég fái mér ekki bara einn eða svo.