fimmtudagur, júní 26, 2003

Veðrið er æðislegt. Vonandi verður það svona á morgun líka því þá er ég í fríi. Þá væri nú tilvalið að leggjast út í garð og lesa duldið í Theory and Methods. Svo er það brúðkaup á laugardaginn hjá Þóru og Danna sem eru notabene líka að flytja til Danmerkur.

Ég ætlaði reyndar að taka mér frí um síðustu helgi en það tókst ekki alveg því Hildur vinkona hringdi og stakk upp á djammi á laugardagskvöldið. Og það er náttúrulega engan veginn hægt að hafna slíku boði. En allavega þetta var fínt og m.a. hittum við strák sem við kynntumst á Spáni fyrir heilum 4 árum síðan og ég var soldið skotin í. Það er alltaf "gott" að sjá að sumir hlutir breytast ekki. Hann er alltaf alveg eins, virðist lifa fyrir djammið, hagar sér eins og fífl og er á leið til Benidorm í sumar en maðurinn er orðinn þrítugur. Mikið er ég samt fegin að ég hef ekki staðnað svona.

0 Comments:

Skrifa ummæli

<< Home